ودي أموت .. اليوم .. وأعيش باكر
وأشوف منهو .. بعد موتي فقدني..!
ومنهو حملني لين .. ذيك .. "المقابر"
وأشكرا .. كل منهو كرمني ... ودفني
ودي اشوف كم رثى فيني شاعر..؟
ومنهو تركني .. وماكتب شي عني
شخص تعني لي .. مع إنه .. مسافر
وشخص قريب .. وأنا ميت / طعني
وشخص يمثل دمعته .. ماهو قادر !
وشخص تطيح دموعه كل ماذكرني
ومنهو من أهلى ف العزا كان حاضر
ومنهو دعى لى في "صلاته" ورحمني
ومنهو بني [باسمي] سبيل ومنابر
ومنهو يفز قلبه.. إلا مـــن لمــحنــي
ومنهو عشاني : طول الأيام ساهر..!
ومنهو من ثلاث أيام .. راح وتركني..؟
ومنهو يرتب .. غرفتي .. / والدفاتر
وإن شاف (صوره) لي صاح وحضني
يالله عسى .. ماتغفى كل المشاعر
ويالله عسى.. ماينصدم يوم ضني
خايف يروح العمر .. وأكون خاسر
وإن طار طيري .. مايفيد / التمني
وخايف يجيني وقت : أكسر خواطر
إن درات الدنيا .. وزماني كسرني
ومدام هذي الدنيا .. صارت مظاهر
وكلن على كيفه ...... وجوّه يغني
الضيق وافي .. والحزن حيل وافر
والجرح أكثر شي .. شفته يحبني
عايش وميت بين .. ماضي وحاضر
والصبر [مفتاح الفرج] ضاع مني
ياحزني وش تبي وتتركني ... آمر
مسكين فرحي / تصدق إنه وحشني!!
(شاعر) ولكني ..... بليّا مشاعر
ودي أموت اليوم .. وأرتاح مني !!
السبت فبراير 13, 2010 9:45 pm